As familias conseguiron que a Xunta garanta as escolas infantís de Narón.

A presión social logrou o compromiso do mantemento das escolas. A Xunta achegará, xunto co Concello, o 67 por cento do orzamento e as familias, o 33 restante.

Galiza co Galego expresa a súa satisfacción polo acordo alcanzado entre as Administracións -Xunta e Concello- para o mantemento das escolas públicas infantís municipais do Concello de Narón que na actualidade están en funcionamento.

É de xustiza que a Xunta de Galicia participe como Administración principal nos orzamentos das escolas infantís, e que en dereito debe garantir.

Foron as familias as que principalmente conseguiron que a razón e a xustiza prevalecesen; Galiza co Galego manifesta o seu agradecemento pola súa determinación e defensa do dereito á educación.

Galiza co Galego ponse á disposición das familias e do Concello de Narón co fin de buscar unha solución que permita o funcionamento da nova escola infantil de Xuvia.

28/04/2012